நாடும் ஊரும் மரபு வழியும் திருவருள் மிகுந்த இறைவனது அருளாட்சியுற்ற விளங்கும் , கடல் புடை சூழ்ந்த நெடுநில வுலகிலே , தெய்ல் ஆலயங்களும் , தெய்வங் கொள்கையிற் சிறந்த சான்றோர்களும் , சாத்திரங்களும் நிறைந்து , தெய்வீக அருட்பொ - வுடன் விளங்குவது இந்திய நாடு . இத்தகைய பெருமை பொருந்திய இந்திய நாட்டின் தென் பகுதி செந்தமிழ் நாடு . இவ்வின்பச் செந்தமிழ் நாட்டின் மையப் பகுதியிலுள்ளது திரிசிரபுரம் என்னும் திருச்சிராப்பள்ளி யாகும் . இத்திருச்சி மாவட்டத்தைச் சார்ந்த துறையூருக்கு அண்மையில் மூன்று கிலோ மீட்டர் தொலைவில் , முசிறி செல்லும் சாலைப்பிரிவில் உள்ளது மதுரபுரி என்னும் சித்திரைப் பட்டிக்கிராமம் . இவ்வூரிலே , திருக்கோவிலூரை யாண்ட தெய்வீக ராசனது பார்கவ குலத்தில் , குகமுனி கோத்திர மரபு வழியில் , வள்ளுவரும் வாசுகியும் போன்று வாழ்ந்திருந்த சத்திய சீல நற்குணம் வாய்ந்த திருமிகு . சபாபதி உடையாருக்கும் , அவர்தம் கற்பிற் சிறந்த துணைவியார் திருமிகு . விசாலாட்சி அம்மையாருக்கும் , தலை மகவாய் சுவாமிகள் தவத்திரு . தாயுமானாரின் திருஅவதாரமெனத் தோன்றினார்கள்

​